Trwyddedu Anifeiliaid Cymru - Animal Licensing Wales

Dirwy i fridiwr cŵn o Geredigion am fethu â chydymffurfio â thrwydded bridio cŵn

19/01/2022 Roedd Mr Dorian Wyn Jones eisoes wedi'i gael yn euog yn Llys Ynadon Aberystwyth o redeg sefydliad bridio cŵn trwyddedig ymhell tu hwnt i'r nifer a ganiateir ar ei drwydded, a bod y cŵn dan ei ofal yn cael eu cadw mewn amodau gorlawn.

Clywodd y Llys dystiolaeth fod Mr Dorian Wyn Jones wedi cael trwydded ar gyfer 33 o gŵn. Fodd bynnag, yn ystod ymweliad gan Swyddogion Diogelu'r Cyhoedd Cyngor Sir Ceredigion ar 07 Awst 2019, daethant o hyd i 91 o gŵn yn y safle ac eithrio cŵn bach, yn groes i'w drwydded. Roedd y cŵn yn cael eu cadw mewn ffaldau o faint a oedd yn annigonol ar gyfer niferoedd y cŵn a gedwir ynddynt.

Cadarnhaodd Llys y Goron yr euogfarn bod y cŵn dan ofal Mr Jones yn cael eu cadw mewn amodau gorlawn yn groes i'r safonau gofod gofynnol sy'n ofynnol gan amodau'r drwydded. Cafodd euogfarnau eraill eu gwrthdroi.

Ar 9 Chwefror 2021, cafodd Dorian Jones ddirwy o £1000 am y drosedd orlenwi, a gorchmynnwyd iddo dalu costau cyfreithiol gwerth £2500. Erthygl flaenorol Erthygl Nesaf