Trwyddedu Anifeiliaid Cymru

Caiff gweithgaredd y mae angen trwydded ar ei gyfer ei ddiffinio yn y ddeddfwriaeth fel:
Gwerthu anifeiliaid fel anifeiliaid anwes (neu gyda’r bwriad o’u hailwerthu yn ddiweddarach fel anifeiliaid anwes) wrth gynnal busnes yn cynnwys cadw anifeiliaid wrth gynnal busnes gyda’r bwriad o’u gwerthu neu eu hailwerthu.

Prawf busnes 
Mae’r rheoliadau yn nodi dau brawf busnes y dylid eu hystyried wrth benderfynu a yw gweithgaredd yn weithgaredd masnachol. Rhaid i’r Awdurdod Lleol ystyried a yw’r gweithredwr yn
    • gwneud unrhyw werthiant drwy’r gweithgaredd, neu’n cynnal y gweithgaredd fel arall, gyda’r bwriad o wneud elw
neu
    • ennill unrhyw gomisiwn neu ffi o’r gweithgaredd

A person sy’n cadw 3 neu fwy o eist bridio ac

    • yn bridio 3 neu fwy torraid o gŵn bach mewn unrhyw gyfnod o 12 mis
    • yn hysbysebu ci bach neu gŵn bach a anwyd o 3 neu fwy torraid o gŵn bach ar werth o’r safle hwnnw mewn unrhyw gyfnod o 12 mis
    • cyflenwi ci bach neu gŵn bach o’r safle hwnnw a anwyd o 3 neu fwy torraid o gŵn bach mewn unrhyw gyfnod o 12 mis
neu
    • yn hysbysebu busnes bridio neu werthu cŵn bach o’r safle hwnnw

Canslo nwyddau neu wasanaethau

Ydych chi’n gwsmer sydd wedi:
    • cytuno i brynu anifail anwes, ond wedi newid eich meddwl neu’n methu parhau â’r contract?
    • cael cais i dalu tâl canslo i’r busnes, ond yn awyddus i herio’r swm?
    • colli eich blaendal neu daliad cyntaf, ac yn awyddus i’w gael yn ôl gan y busnes?

Gall cyfraith defnyddwyr eich helpu chi
Peidiwch â derbyn bod gan y busnes hawl i gadw eich blaendal a thaliad cyntaf neu i ofyn i chi dalu tâl canslo os byddwch yn canslo’r contract. Dim ond os bydd telerau’r contract yn deg y gall y busnes wneud hynny.

Nid yw’n deg codi tâl canslo oherwydd bod hynny yn y contract a lofnodwyd gennych – mae’n rhaid iddo fod yn rhesymol.

Weithiau bydd gennych hawl i ad-daliad llawn neu rannol ond ni allwch ddisgwyl yr holl arian yn ôl bob tro os byddwch yn newid eich meddwl.

Gall busnesau gadw eich blaendal neu daliad cyntaf, neu ofyn i chi dalu tâl canslo, mewn amgylchiadau penodol yn unig.

Os byddwch yn canslo’r contract, yn gyffredinol dim ond hawl i gadw neu dderbyn y swm sy’n ddigonol i gwmpasu eu colledion gwirioneddol sy’n cael eu creu yn sgil canslo y mae gan y busnes hawl i’w wneud (ee costau a grëwyd eisoes neu golled).

Rhaid i fusnesau gymryd camau rhesymol i leihau eu colledion (ee drwy ailwerthu’r nwyddau neu wasanaethau).

Dylai’r blaendaliadau na ellir eu had-dalu fod yn ganran fach o gyfanswm y pris.

Rhaid i’r taliadau canslo fod yn amcangyfrif gwirioneddol o golled uniongyrchol y busnes.

Cysylltu â’r busnes
Os bydd gennych unrhyw bryderon, yn gyntaf dylech ofyn i’r busnes esbonio sut y mae wedi cyfrifo’r swm y mae’n ei gadw neu am ei godi arnoch chi am ganslo’r contract.

I gael gwybodaeth neu gyngor
Cysylltwch â gwasanaeth defnyddwyr Cyngor ar Bopeth (03454 040506) i gael cyngor am yr hyn y gallwch ei wneud.

Nid yw’r deunyddiau hyn yn cymryd lle cyngor cyfreithiol, ac ni ddylid dibynnu arnynt fel cyngor cyfreithiol.

Fel prynwr bydd angen i chi asesu’r hysbyseb cyn prynu ci bach a dylech bob amser ystyried eich hawliau diogelu defnyddwyr.

Dylai hyn fod yn berthnasol ar y cyfryngau cymdeithasol hefyd.

    • Bydd bridiwr trwyddedig yn arddangos rhif y drwydded a’r awdurdod lleol y mae wedi cofrestru ag ef
    • Ni all bridwyr trwyddedig sy’n gweithredu fel busnes ofyn am flaendal na ellir ei ad-dalu
    • Dylech gynnwys manylion cyswllt sef rhif ffôn neu gyfeiriad ebost
    • Llun clir o’r Fam gyda’r cŵn bach a rhagor o wybodaeth gan gynnwys enw, oedran ac unrhyw brofion iechyd
    • Dylid gallu gweld cŵn bach gyda’r Fam a’r Tad hefyd (os yw’n briodol)
    • Gwybodaeth am y Tad gan gynnwys llun, enw, oedran ac unrhyw brofion iechyd
    • Trosolwg o anghenion y brîd, faint o ymarfer corff sydd ei angen, sut i’w drin a’i dacluso a'r math o gartref sy’n addas ar ei gyfer
    • Pryd y bydd y cŵn bach yn barod a’u hoedran bryd hynny (8 wythnos)
    • Manylion am frechu, trin llyngyr a chwain a microsglodynnu (mae microsglodynnu yn ofyniad cyfreithiol)
    • Pecynnau i gŵn bach a’r hyn y maent yn eu cynnwys, amserlen fwydo er mwyn gwybod pryd i newid i fwyd newydd, blanced gydag arogl y fam etc
    • Contract gwerthu cŵn bach a pharhad o’r cynllun cymdeithasoli
    • Gwybodaeth am y bridiwr a’i brofiad
    • Gwybodaeth am ddulliau cymdeithasoli, ee "puppy culture"
    • Dylid cynnal pob gwerthiant yn y safle
    • Nodwch p’un a yw’r cŵn bach yn cael eu cadw mewn llety cŵn neu yn y cartref
    • Mae cofrestriad Kennel Club a/neu Kennel Club Assured Breeders Scheme yn golygu eu bod yn cael eu hasesu a'u cymeradwyo gan y Kennel Club

Dyma rai ffactorau pwysig i’w hystyried cyn gwneud y pryniant hollbwysig hwnnw:

    • Ymchwilio’r bridiwr a gofyn llawer o gwestiynau cyn i chi ymweld
    • Mae’n rhaid i fridiwr trwyddedig arddangos eu trwydded
    • Gofyn os yw’r ci bach wedi cael ei ddilyngyru yn rheolaidd ers ei eni
    • Sicrhau fod y ci bach wedi cael microsglodyn (mae hyn yn ofyniad cyfreithiol)
    • Sicrhau y bydd y ci bach o leiaf 8 wythnos oed cyn iddo adael
    • Gweld mam y ci bach bob amser a gofyn faint yw ei hoed (rhaid iddi fod o leiaf 1 oed)
    • Pan fyddwch yn ymweld â’r ci bach edrych sut mae’n cysylltu gyda’i fam a gweddill y torraid
    • Gofyn pa fwyd mae’r ci bach wedi bod yn ei fwyta a sicrhau fod y bridiwr yn rhoi digon o fwyd y ci bach i barhau â’r un diet am ychydig dyddiau ar ôl mynd adre
    • Peidio byth â theimlo dan bwysau i brynu ci – os nad yw’n edrych yn iawn neu’n teimlo’n iawn mae’n debyg nad yw’n iawn!

Os ydych yn penderfynu prynu, dylech bob amser drefnu gwiriad iechyd gyda milfeddyg o fewn 48 awr o’r prynu.

Beth yw microsglodyn?
Mae microsglodyn yn sglodyn electronig bach, tua maint graean o reis, a gaiff ei blannu dan groen y ci. Mae’n driniaeth syml a wneir gan eich milfeddyg ac nid yw’n peri loes i’r ci.

Sut mae microsglodyn yn gweithio?
Mae gan ficrosglodyn ci god unigryw y gellir ei gyfateb gyda manylion y perchennog ar gronfa ddata y darparydd pan gaiff ei sganio gyda dyfais darllen arbennig.

Pam fod microsglodyn mor bwysig?
Mae microsglodio ci yn rhoi’r cyfle gorau i chi o gael eich ci yn ôl os yw’n mynd ar goll.

Beth yw’r gyfraith am ficrosglodio?
O 6 Ebrill 2016, mae’n ofyniad cyfreithiol fod pob ci yng Nghymru, Lloegr a’r Alban yn cael ei ficrosglodio ac yn gwisgo coler gyda thag ID.

Sut mae diweddaru fy manylion?
Mae’n bwysig iawn eich bod yn diweddaru eich manylion cyswllt er mwyn i ficrosglodyn eich ci barhau’n weithredol. Gwiriwch gyda’ch darparydd i gael mwy o fanylion.

Cofiwch ... os aiff eich ci ar goll neu os caiff ei ddwyn, rydych 20 gwaith yn fwy tebygol o’i gael yn ôl os oes ganddo ficrosglodyn ac os yw’r manylion yn gyfredol.

 

RHYBUDD am gofrestru microsglodion anifeiliaid anwes ar safleoedd ffug 

Hoffai’r Trwyddedu Anifeiliaid Cymru rybuddio bridwyr a defnyddwyr i wneud yn siŵr eu bod yn delio gyda chwmni microsglodion dilys ac awdurdodedig pan fyddant yn chwilio amdanynt ar-lein.

Gwyddom fod gwefannau ffug ar gael sy’n edrych fel y cwmni go iawn ond nid yw hynny’n wir a gallai olygu y byddwch yn colli arian. Hefyd mae’n hysbys fod gwefannau eraill yn dweud y byddant yn cofrestru’r microsglodyn i chi am ffi ac na chaiff hynny ei wneud.

I ganfod a gwirio’r rhestr o gronfeydd data anifeiliaid anwes a awdurdodwyd gan Lywodraeth y Deyrnas Unedig ewch i’r ddolen yma.

I gael cyngor defnyddwyr, ffoniwch Linell Gymorth Defnyddwyr Cyngor ar Bopeth ar 0808 223 1133.

Caiff y cyhoedd eu hannog i ymuno â Friends Against Scams a busnesau i ymuno â Businesses Against Scams. Nod y cynlluniau hyn yw diogelu ac atal pobl a busnesau rhag dioddef sgamiau, drwy eu grymuso i gymryd safiad yn erbyn sgamiau.